SHULE 18 ZA MSINGI KUSHIRIKI MCHEZO WA BAO

Raisi  wa shirikisho la mchezo wa bao Tanzania (SHIMBATA) Monday Likwepa amesema kwamba kwa sasa uongozi wa mchezo huo unaendelea na maandalizi ya kujiandaa na mashindano ya muungano yanayotaraji kufanyika mwezi wa nne mwaka huu.

Likwepa alisema kwamba mashindano hayo yatafanyika katika viwanja vya Mnazi mmoja jijini Dar es salaam na msimu huu wametoa kipaumbele kwa wachezaji kutoka shule 18 za msingi za mkoa wa Dar es salaam ambao wamethibitisha kushiriki.

Alisema kwamba mbali na shindano hilo pia wana mikakati mbalimbali ikiwemo kwenda kushiriki mchezo huo nje ya nchi baada ya kupokea mwaliko kwa nchi husika.