SIMBA YAPEWA POINTI TATU ZA KAGERA SUGAR

Kamati ya saa 72 ya TFF imemaliza kikao chake usiku huu na kutoa maamuzi ya kuipa Simba pointi tatu na magoli matatu baada ya kubaini klabu ya Kagera Sugar imemchezesha mchezaji Mohamed Fakhi ambae ana kadi tatu za njano.

Kamati hiyo ya saa 72 ilianza kikao chake kunako mishale ya saa tisa alasiri kujadili rufani hiyo ya klabu ya Simba ambayo ilipinga Kagera Sugar kumchezesha mchezaji mwenye kadi tatu za njano.

Baada ya kupewa pointi hizo Simba sasa inafikisha alama 61 katika nafasi ya kwanza wakiwaacha wapinzani wao Yanga wakiwa na alama 56.

Hata hivyo Yanga ina akiba ya mchezo mmoja mkononi kwani imeshuka dimbani mara 25 huku Simba ikishuka dimbani mara 26.