MAJIMAJI WATOA TAHADHARI KWA YANGA

Uongozi wa timu ya Majimaji ya Songea mkoani Ruvuma,umetoa tahadhari kwa timu za ligi kuu ya Tanzania bara hasa kwa klabu ya Yanga kuelekea kwenye mechi yao ya leo itakayopigwa kwenye uwanja wa Uhuru jijini Dar es salaam kwamba wasiwaone wao kua ni wanyonge katika ligi hiyo.

Mjumbe wa kamati ya utendaji ya klabu hiyo Salum Masamaki amesema kwamba baada ya kupoteza mechi tatu za nyuma baadhi ya watu wameanza kuwabeza lkn waelewe kwamba kikosi hicho kitafanya maajabu makubwa hapo leo mbele ya Yanga.

Masamaki amesema kwamba kwa sasa kikosi kipo vizuri na kwenye mechi hiyo dhidi ya Yanga wataoneka wachezaji wapya ambao awali hawakupa fursa ya kucheza kutokana na baadhi yao kutokamilika kwa usajili wao.