KILIMANJARO STARS WAWASILI NCHINI,TFF YAOMBA RADHI

Na Said Ally
Kikosi cha timu ya Kilimanjaro Stars kimerejea leo hii asubuhi mishale ya saa mbili na nusu kikitokea nchini Kenya kilipokwenda kushiriki michuano ya kombe la Challenge.

Afisa Habari wa TFF,Alfred Lucas alisema kwamba wachezaji wote wa timu hiyo pamoja na benchi la ufundi kwa pamoja wamerejea hapa nyumbani kwa ajili ya kuendelea na majukumu mengine.

Lucas alisema kwamba shirikisho la soka hapa nchini TFF,linawaomba radhi watanzania kwa matokeo mabaya ambayo yamepatikana kwa timu ya Kilimanjaro Stars katika ushiriki wa michuano ya CECAFA.

Kilimanjaro Stras imemaliza michezo katika kundi lake ikwa timu ya mwisho baada ya kucheza michezo mitatu wakiambulia kupata pointi moja jambo ambalo halikuwafurahisha watanzania.