KABURU ASEMA SIMBA YA MSIMU HUU ITATISHA SANA

Baada ya kuanza vyema katika mchezo wa kwanza wa ligi kuu ya Tanzania bara kwa kufanikiwa kuibuka na ushindi wa bao 3-1,makamu wa raisi wa klabu ya Simba Godfrey Nyange Kaburu amesema kwamba wanaamini msimu kikosi cha timu ya Simba kitafanya vizuri zaidi katika michezo inayofuata.

Akiongea na MWANDIKE.BLOGSPORT,Kaburu amesema kwamba msimu huu wamejipanga kikamilifu  kwa kufanya usajili mzuri ambao wachezaji wengi wana viwango vya kutosha tofauti na msimu uliopita pamoja na kufanya maboresho kwenye benchi la ufundi baada ya kumleta kocha  Joseph Omog na kumkabidhi majukumu ya kua kocha mkuu wa wekundu hao wa Msimbazi.

Katika hatua nyingine Kaburu amesema kwamba uongozi wa klabu hiyo utakaa na kulitolea ufafanuzi swala la mchezji Hassani Ramadhani Kessy baada ya kamati ya  hadhi ya za wachezaji ya TFF kumuidhinisha mchezji huyo kuitumikia klabu ya Yanga licha ya mchezaji kuvunja mkataba na Simba kwa mujibu wa taarifa yake.