SIMBA KAMILI KUIVAA STAND UNITED

Uongozi wa timu ya soka ya Simba SC umesema mpaka sasa timu yao iko tayari kwajili ya mchezo wao wikiendi hii utakaochezwa mkoani Shinyanga dhidi ya Stand united katika uwanja wa CCM Kambarage.

Akizungumza na MWANDIKE.BLOGSPOT katika mahojiano maalumu,Ofisa habari wa klabu hiyo Haji Manara alisema mpaka sasa timu yao haina majeruhi yoyote na timu ipo katika hali nzuri ya kuhakikisha inapata ushindi.

‘’Stand united ni timu nzuri yenye uzoefu ambayo ipo kwenye ligi kwa muda mrefu hatutibeza bali tutapambana kuhakikisha tunashinda mchezo wetu na kuhakikisha tunapata alama tatu’’ Manara alisema.

Manara alisema timu yao ipo mkoani Mwanza kwa ajili ya maandalizi ya mchezo huo na alisema timu yake inafanya mazoezi katika viwanja vya Alliance vilvyopo Mahina.

Manara alisema anawaomba wadau na wanachama wa klabu yao mkoani Shinyanga kuhakikisha wanajiandae vyema kuipokea timu yao ambayo itaenda Shinyanga siku ya Ijumaa.

Msemaji huyo pia alikanusha taarifa zinazosambaa kuwa mchezaji wao Jonas Mkude ana tatizo na uongozi.

Manara alisema hawana tatizo na mchezaji huyo bali wataendelea kumtumia katika michezo mbali mbali.

Mjumbe wa kamati ya utendaji wa klabu ya Simba SC Said Tulliy alisema mpaka sasa klabu yao haijafanya vibaya kwakuwa imecheza mechi 4 ikiwa imeshinda michezo miwili na kutoa sare miwili ugenini.