MAJIMAJI YATEREMSHWA DARAJA LA KWANZA

Na Sleiman Ussi Zanzibar .

ZFA Taifa Pemba imeiteremsha daraja timu ya Maji Maji kutoka ligi kuu ya Zanzibar, hadi daraja la kwanza Taifa msimu wa 2017/2018, pamoja na kuitoza faini ya shilingi Milioni 1,200,000/= kwa makosa mawili tafauti.

Kosa la kwanza kwa Timu hiyo katika mchezo wake na Shaba wa Aprili 28 mwaka huu, timu ya Maji Maji ilifika Uwanjani na wachezaji nane tu na kupekea baadhi ya wachezaji kuanguka uwanjani na kushindwa kuendelea

na mchezo huo.

Kaimu Msaidizi Katibu Mkuu ZFA Taifa Khamis Hamad Juma, alisema baada ya hali hiyo mwamuzi wa mchezo huo alilazimika kulivunja pambano hilo

dakika ya 44, huku Shaba ikiwa inaongoza kwa goli 1-0.

“Kutokana na hali ilivyokuwa uwanjani baada ya wachezaji watatu kuumia, wakabakia wachezaji watano mwamuzi hakuweza kuendelea na mchezo na kulivuanja pambano”. Alisema.

Alisema kwa mujibu wa kanuni za kuendeshea mashindano ya Mpira wa Miguu Zanzibar, Kifungu namba 21 (a)(i) timu ya Maji Maji imepoteza mchezo huo na shaba kuwepwa ushindi, pamoja na kuteremshwa daraja la kwanza Taifa kwa msimu 2017/2018 na kutozwa faini ya laki 600,000/= faini ambayo inatakiwa kulipwa Mei 30 mwaka huu.

Khamis alisema kosa la pili kwa timu hiyo katika mchezo wake na Jamhuri wa Aprili 26 mwaka huu katika uwanja wa FFU Finya, ulishindwa kumalizika kwa wakati baada ya wachezaji Abrahman Haji Othaman, Bakar Said Ginyari, Branka Ali Yassin jezi,na Ibrahim Said Juma kumpiga mwamuzi.