TINOKO ASEMA MTIBWA SUGAR INA NAFASI YA KUWA BINGWA WA LIGI KUU YA TANZANIA BARA

Baada ya kukaa langoni wakati timu yake ikipambana na mabingwa wa atetezi wa ligi kuu ya Tanzania bara,Mlinda mlango wa timu ya soka ya Mtibwa Sugar Benedict Tinoko amesema kwamba amejisikia faraja kwa upande wake kupata nafasi ya kucheza katika pambano hilo lililochezwa hapo jana kwenye uwanja wa Uhuru jijini Dar es salaam dhidi ya timu yake ya zamani ya Yanga.

Tinoko amesema kwamba ingawa hawakupata matokeo mazuri baada ya kufungwa kwa jumla ya mabao 3-1 lakini kwa upande wake anaamini kiwango ambacho amekionyesha katika pambano hilo ndio chanzo cha kuendelea kufanya vyema.

Amesema kwamba kufungwa kwao kwenye pambano hilo sio kigezo cha wao kushindwa kutwaa ubingwa wa ligi hiyo kwani anaamini Mtibwa Sugar msimu huu ina nafasi kubwa ya kuibuka bingwa wa ligi kuu ya Tanzania bara.