YANGA YAPAA KUWAFUATA ST LOUIS

KIKOSI cha Yanga sc kimeondoka asubuhi ya  leo hii kuelekea Shelisheli tayari kwa mchezo wa marejeano ya ligi ya mabingwa afrika dhidi ya wenyeji St Louis.

Mwenyekiti wa kamati ya mashindano Hussein Nyika wakati kikosi kikiwa kwenye uwanja wa Ndege wa JKNIA   alisema kikosi kinaondoka kueleka shelisheli kikiwa na morari ya juu hasa baada ya matayarisho mazuri na ushindi mnono kwenye mchezo wa ligi dhidi ya Majimaji.

Nyika alisema kwamba wachezaji wako fiti kwa ajili ya mchezo huo wa marudiano ambao dhamira yao kuu ni kwenda kumalizia kazi iliyosalia ili kusonga mbele kwenye michuano hiyo ya klabu bingwa barani Afrika.

Yanga inahita ushindi au sale yeyote katika mchezo huo wa marejeano ili kufanikiwe kufuzu katika hatua nyingine na hii inatokana na mabingwa hao watetezi wa ligi kuu ya Tanzania bara kupata ushindi mwembamba wa bao 1-0 katika mechi iliyochezwa kwenye uwanja wa Taifa jijini Dar es salaam.