YANGA YAJICHIMBIA MKOANI MOROGORO KABLA YA KUWAVAA SIMBA

Uongozi wa timu ya soka ya Yanga umesema kwamba kikosi chao kinaendelea vyema na maandalizi kikiwa mkoani Morogoro kwa ajili ya kujiwinda na pambano lao la ligi kuu ya Tanzania bara dhidi ya Simba hapo siku ya jumamosi.

Afisa Habari wa timu hiyo,Dismas Ten alisema kwamba wachezaji wote waliopo kambini wako vizuri hata wale ambao walisalia jijini Dar es salaam tayari wameungana na wenzao huko mkoani Morogoro tayari kwa ajili ya maandalizi ya mchezo huo.

Dismas alisema kwamba dhamira yao ni kushinda katika mchezo huo,hivyo ni vyema mashabiki wa timu hiyo wakajitokeza kwa wingi katika uwanja wa Uhuru uliopo jijini Dar es salaam ili kutoa hamasa ya kutosha kwa wachezaji.