YANGA WAENDELEA KUWASUMBUA TAIFA JANG'OMBE

Uongozi wa timu ya Taifa Jang'ombe ya visiwani Zanzibar,umesema kwamba bado hawajakamilisha mazungumzo na klabu ya Yanga juu ya uhamisho wa mchezaji wao Abdallah Haji maarufu kwa jina la Ninja.

Katibu wa Taifa Jang'ombe  Mohd Maulid alisema kwamba bado uongozi wa klabu hiyo upo kwenye mazungumzo na Yanga ambapo kwa sasa wamepewa taarifa kuwa uongozi wa Yanga utawasili Zanzibar siku ya jumatatu kwa ajili ya kukamilisha swala hilo.

Maulid alisema kwamba endapo kama Yanga watashindwa kulikamilisha swala hilo basi kama wao viongozi hawatamruhusu Ninja kujiunga na Yanga siku ya tarehe 4 ya mwezi ujao pale watakapoanza mazoezi rasmi ya kujiandaa na msimu ujao wa ligi kuu ya Tanzania bara.