MZAMIRU YASSIN AWA MCHEZAJI BORA

Mchezaji wa timu ya Simba,Mzamiru Yassini amefanikiwa kutwaa tuzo ya mchezaji bora wa mwezi march baada ya kuonyesha kiwango cha hali ya juu kwenye mechi tano za kirafiki pamoja na za kimashindano ambazo kikosi cha Simba kilicheza.

Katika mwezi huo wa tatu Simba ilicheza mechi ya ligi dhidi ya Mbeya City na pia ilicheza mchezo wa robo fainali ya FA dhidi ya Madini FC ya mkoani Arusha.

Pia ndani ya mwezi huo wekundu hao wa Msimbazi walicheza mechi za kirafiki na timu za Polisi Dodoma,Chemba Combaini pamoja na Mererani FC.

Simba imekuwa na utaratibu wa kutoa tuzo ya mchezaji bora wa mwezi ndani ya kikosi chao tangu kuanza kwa msimu wa ligi kuu ya Tanzania bara unaolekea ukingoni mwezi ujao.