TFF YAIKABIDHI NGAO MPYA AZAM FC

Katibu mkuu wa shirikisho la mpira wa miguu hapa nchini TFF,Selestine Mwesigwa leo hii amewakabidhi ngao mpya timu ya Azam FC baada ya kuwa mabingwa mchezo wa ngao ya jamii ambapo timu hiyo ilifanikiwa kuifunga Yanga kwa changamoto ya mikwaju ya penati.

Akiongea mbele ya waandishi wa Habari leo hii,Ofsa Habari wa TFF,Alfed Lucas amesema kwamba shirikisho hilo limeamua kuchukua jukumu hilo baada ya ngao hiyo kuchelewa kufika kwa wakati wa mwafaka kutoka nchini China.

Amesema kwamba kumekua na maswali kazaa kutoka kwa wadau wa mpira wa miguu juu ya ngao ya awali ambao waliwakabidhi Azam lakini dhamira yao haikua hiyo na hii imetokana na sababu za kuchelewa kufika mapema.

"Watanzania tunaomba watuelewe juu ya jambo hili kiukweli TFF haikua tayari kutoa Ngao ile ya kwanza kwa Azam lakini baada ya kuchelewa kufika ngao hizo ambazo ziliagizwa kutoka nchin China ndio ikapelekea kuwapa ile ya kwanza lkn kwa sasa katibu mkuu ameshamkabizi mtendaji mkuu wa Azam Saad Kawemba tena sio hiyo moja tu zimeagizwa tano" alisema Lucas