NGASA KUJIUNGA NA FANJA YA OMAN

 Mchezaji Mrisho Khalifani Ngasa anataraji kujiunga na klabu ya Fanja ya Omani tayari kuitumikia timu hiyo baada ya kuvunja mkataba wake na klabu ya nchini Afrika Kusini ya Free State hivi karibuni.

Taarifa za awali kutoka kwa chanzo cha taarifa hii zinadai kwamba Ngasa leo hii amekwea pipa kuelekea Omani tayari kwa ajili ya kukamilisha usajili wake huo mpya.

Baada ya kuvunja mkataba wake na klabu ya Free state ya Afrika Kusini kumekua na mijadala ya hapa na pale juu ya klabu ambayo huenda Ngasa angejiunga kwa ajili ya kuitumikia katika michezo mbalimbali na wengine wamekuwa wakihusisha kwamba huenda Ngasa angerejea Yanga lakini kwa taarifa inaondoa uvumi huo.

Hata hivyo kocha mkuu wa klabu ya Yanga Hans Pluijim alidiliki kusema kuwa kwa sasa katika kikosi chake hana nafasi ya kumrejesha Ngasa kwa kua anao wachezaji kibao wanaomudu kucheza nafasi yake akiwemo Juma Mahadhi na Saimon Msuva.