MAJIMAJI MBIONI KUMREJESHA ONGALA,YAWATOA HOFU MASHABIKI JUU YA VIPIGO

Uongozi wa timu ya Majimaji ya mkoani Ruvuma umewataka mashabiki wa klabu hiyo kutokata tamaa na mwenendo wa klabu hiyo kwani wanaamini timu itarejea katika wakati mzuri hasa kuanzia mechi ijayo.

Mjumbe wa kamati ya utendaji ya klabu hiyo Salum Masamaki ameiambia MWANDIKE.BLOGSPORT, kwamba kwa sasa benchi la ufundi linaendelea kuyafanyia kazi mapungufu ambayo yameonekana kwenye mechi hizo walizocheza ili waanze vyema kwa kuibuka na ushindi kwenye mechi yao ijayo dhidi ya Ndanda.

Masamaki amesema kwamba kwa sasa wanategemea kuwatumia wachezaji wapya ambao hawajai kuonekana kutokana na kutokamilika kwa usajili wao lakini kwa sasa jambo hilo limeshughulikiwa na wanastahili kuanza kuwatumikia wana Lizombe wa Majimaji.

Aidha Masamaki amedai kua kwa sasa uongozi upo katika mazungumza na kocha Kally Ongala ili arejee kuifundisha timu hiyo baada ya kuwepo na matumaini ya kupata mdhamini kampuni ya GMS ambae atawasaidia kulipa mishahara ya wachezaji na benchi la ufundi.

"Ujue baada ya wadhamini wetu Symbioni kujiondoa kuidhamini timu yetu hali imekua ngumu katika ulipaji wa mishara ikiwemo ya kocha Kally Ongala lkn siku ya alhamisi tunataraji kusaini mkata na kampuni ya GMS ambao watatudhani na ndio maana Ongala ameamua kurejea" alisema Masamaki.

Amesema kwamba kwa muda mrefu wamekua kwenye mazungumzo na makocha mbalimbali kutoka jijini Dar es salaam akiwemo Suleiman Matola lkn juhudi za kuwapata makocha hao zimekua ngumu kutokana na wengi wao kuhofia kutopata stahiki zao kwa kua timu haina Mdhamini.