CANAVARO AWAPONGEZA MBAO FC

Nahodha wa kikosi cha timu ya Yanga,Nadri Haroub ameipongeza timu ya Mbao FC baada ya kufanikiwa kuibuka na ushindi wa bao 1-0 dhidi ya kikosi chake na kufanikiwa kuingia hatua ya fainali ya michuano ya kombe la FA.

Nadri maarufu kwa jina la Canavaro alisema kwamba wachezaji wa Mbao FC walicheza kwa juhudi kubwa tangu kuanza kwa mchezo,hivyo walistahili kushinda mechi hiyo iliyokuwa na ushindani zaidi iliyopigwa kwenye uwanja wa CCM Kirumba jijini Mwanza.

Aidha alisema kwamba kwa upande wa kikosi chake walijitahidi kucheza kwa juhudi kubwa zaidi ili kushinda pambano hilo lakini mipango yao haikutimia kwa jambo hilo.

"Kiukweli tulicheza kwa juhudi kubwa sana kwenye mechi hii,tulitengeneza nafasi nyingi za kushinda lakini washambuliaji wetu hawakuzitumia hata mimi mwenyewe nilipata nafasi ya kufunga lakini nilishindwa,binafsi inauma lakini ndio mchezo"alisema Nadri.

Hata hivyo alisema kwamba kwa sasa baada ya kuvuliwa ubingwa wa FA nguvu zao zote wanazielekeza kwenye mbio za kuwania ubingwa wa ligi kuu ya Tanzania bara ili kuchukua taji hilo kwa mara nyingine na kuwafurahisha mashabiki wao.