BUKINA FASO KUMENYANA NA MTIBWA SUGAR

Kikosi cha timu ya Bukina Faso ya mkoani Morogoro ambayo inashiriki ligi daraja la pili hapo kesho kinataraji kushuku dimbani wilayani Kilosa kucheza mchezo wa kirafiki dhidi ya timu ya Mtibwa Sugar ambayo inashiriki ligi kuu ya Tanzania bara.

Katibu mkuu wa Bukina Faso Gosbath Isack amesema kwamba mbali na mchezo pia uongozi wa klabu hiyo umeridhishwa na mapokezi ambayo wameyapata wilayani humo kutokana na viongozi wa chama cha soka cha wilaya kuwa bega kwa bega na wao tofauti na awali walipokuwa wanautumia uwanja wa Jamuhuri.

Amesema kwamba kwa sasa benchi la ufundi lipo kwenye mikakti kabambe ya kuhakikisha kuwa wanarejea kwenye mzunguko wa pili wakiwa vizuri kwani kwa sasa wamelenga kusajili baadhi ya wachezaji kwa ajili ya kukiboresha kikosi hicho.