MALALE HAMSINI AWALAUMU MABEKI WAKE BAADA YA KUFUNGWA 4-0

Kocha mkuu wa klabu ya JKT RUVU  ya mkoania Pwani Malale Hamsini amesema kwamba kupoteza kwao katika mchezo wao wa jana dhidi ya Yanga ni kutokuwa makini kwa safu nzima ya ulinzi ambayo imecheza chini ya kiwango kwa kusababisha timu kufungwa magoli rahisi.

Akiongea na MWANDIKE.BLOGSPORT,Malale amesema kwamba ameshangaa kuona wachezaji wake wameshindwa kufuata maelekezo yake na kusababisha timu kufungwa kwa jumla ya mabao 4-0 katika mcheo uliochezwa kwenye uwanja wa Uhuru jijini Dar es salaam.

Malale amesema kwamba timu ya Yanga imestahili kushinda katika mchezo huo kwani wachezaji wake walicheza kwa nidhamu ya hali juu.

Akiongea kwa masikitiko makubwa huku akiinamia chini Malale ameweka bayana kuwa kwa sasa ana kazi kubwa ya kufanya kuhakikisha kuwa anairejesha JKT Ruvu katika ubora wake kwani tangu kuanza kwa msimu huu wa ligi timu hiyo imeshindwa kupata ushindi wa mara kwa mara hata katika mechi za nyumbani.