MRISHO NGASSA KUREJEA YANGA

Kuna uwezekano mkubwa winga wa zamani wa timu ya Yanga Mrisho Ngassa akarejea katika kikosi cha timu hiyo msimu ujao kutokana na taarifa zilizopo ndani ya klabu hiyo kongwe hapa nchini.

Kwa mujibu wa taarifa ambazo zimeelezwa na mtu wa ndani wa klabu ya Yanga zinaeleza kuwa uongozi wa huo kwa sasa upo kwenye mazungumzo na Ngassa kwa ajili ya kukamilisha dili la usajili wake ili aweze kuitumikia timu ya Yanga.

MWANDIKE.BLOGSPORT leo hii imemshuhudia Ngassa akionekana makao makuu ya klabu ya Yanga huku akipokelewa kwa bashasha na baadhi ya makomandoo wa klabu hiyo na kupelekwa moja kwa moja kwa mwenyekiti wa kamati ya usajili Hussein Nyika wakishinikiza mchezaji huyo apewe kandarasi.

Ngassa kwa sasa anacheza katika klabu ya Ndanda FC ya mkoani Mtwara aliposaini kandarasi ya miezi sita kuitumikia timu hiyo katika kipindi cha dirisha dogo la usajili ambapo mkataba wake huo unatarajiwa kumalizika baada ya msimu wa ligi kumalizika.