MAYANJA AWASHANGAA WACHEZAJI WA SIMBA

Kocha msaidizi wa timu ya soka ya Simba Jackson Mayanja amesema kwamba kikosi chake leo hii kimeshindwa kucheza vizuri mbele ya Mbeya City baada ya kukubali kulazimishwa sale ya mabao 2-2 wakiwa nyumbani.

Mayanja alisema kwamba walifanikiwa kupata nafasi nyingi za kushinda lakini ameshangazwa na wachezaji wa timu hiyo kutokuwa makini kwa ajili ya kutumbukiza mpira wavuni.

"Tulicheza na Yanga tukiwa pungufu wachezaji walicheza vizuri sana na tulifanikiwa kushinda lakini leo hii wachezaji wetu wameshindwa kufanya kile tulochowafundisha"alisema Mayanja.

Aidha alisema kwamba benchi la ufundi limeshindwa kumchezesha beki raia wa Uganda Juuko Murishidi kutokana na mchezaji huyo kutofanya mazoezi na wenzake kwa muda mrefu ingawa hii leo kumeonekana kuwepo na upungufu kwenye safu ya ulinzi.