MASHABIKI SIMBA WAISAIDIA NJOMBE MJI ISALIE LIGI KUU

Na Mwandishi Wetu
Wakati Club ya Njombe Mji Ikisalia na Mechi Mbili za Ligi Kuu ya Vodacom Tanzania Bara Ambazo Zitatoa Hatma ya Club Hiyo Kama Itabaki Ligi Kuu Au Kushuka Daraja Mashabiki wa Simba Tawi la Njombe Leo Wamekadhi Msaada wa Fedha Kwa Uongozi wa Timu Hiyo Ili Kuinusuru Isishuke Daraja.

Mapema Leo Viongozi wa Tawi la Simba Club Ambayo ni Mabingwa wa Ligi Kuu Kwa Mwaka 2018 Wakiongozwa na Mwenyekiti Wao Bwana Nickson Nganyange Wametoa Kiasi Cha Shilingi Laki mbili na Elfu Kumi na Tano Fedha Ambazo Zimechagishwa na Mashabiki wa Simba Baada ya Kufanyika Kwa Harambee Kwa Lengo la Kutekeleza Maombi ya Njombe Mji Fc.

Nsajigwa Mwakigobe ni Mwekahazina wa Club ya Njombe Mji FC Ambaye Amepokea Fedha Hiyo Kwa Niaba ya Timu Hiyo amesema Kuwa Uwepo wa Njombe Mji Katika Ligi Kuu Ndio Sababu za Uwepo wa Matawi ya Vilabu Vya Simba na Yanga Mkoani Njombe.

Timu ya Njombe Mji Ambayo Inaburuza Mkia Katika Msimamo wa Ligi Kuu Tanzania Bara Imeendelea Kuwa na Hali Mbaya Zaidi Kiuchumi Kutokana na Kukosa Ufadhili wa Aina Yoyote Huku Viongozi wa Tawi la Simba Mkoa wa Njombe Wakiweka Wazi Nia Yao Dhidi ya Timu ya Njombe Mji Fc.